Teknikari independente talde batek etengabeko gainbegiratze, ebaluazio eta aholkularitza egin eta hezkuntza-sistema hobetzeko ikastetxeek dituzten eskubideak eta betebeharrak bermatzen ditu.

Hezkuntza-ikuskaritzako sistema hezkuntza-administrazioko talde tekniko batek osatzen du. Hezkuntza-sisteman kalitatea eta hobekuntza sustatzea du helburu. Hezkuntza-komunitatearen eskubideak eta betebeharrak bermatzeko lan egiten du. Irakasleei, zuzendaritzari, familiei, hezkuntza-administrazioari… eragiten die. Ikasleen garapena eta ongizatea defendatzen ditu batik bat.

Teknikariz osatutako talde honek, informazioa eta aholkularitza eskaintzen ditu eta proposamenak egiten dizkie hezkuntza-administrazioko gainerako zerbitzuei... Ekintza guztia bikaintasuna bilatzera bideratuta dago, eta bat dator Hezkuntza Lege berriarekin.

Ikuskapen-sistemaren balio nagusienetako bat autonomia da, antolamendu teknikoa eta independentea baita. Erantzukizunez eta modu proaktiboan jokatzen du gainbegiratze-jarduerak egiteko, kalitatezko hezkuntza ekitatiboa lortzeko, eskubideak bermatzeko eta babesteko, eraldaketa sustatzeko eta etengabeko ebaluazioaren kultura sustatzeko.

Ikuskaritzaren jarduera

• Zentroak gainbegiratzea.

• Zuzendaritza-taldeak, irakasleak, ikastetxeetako programak... ebaluatzea.

• Hainbat eremutan eskubideak bermatzeko lan egitea: eskolara huts egitea, eskola-jazarpena, ikaskuntza eta irakaskuntza-prozesuen antolaketa, ikasleen ebaluazioa, aniztasunaren tratamendua, etxeko hezkuntza-arreta, ikasleen jokabide desegokien zuzenketa, gatazkak irakasleen esparruan...

• Aholkatzea eta informatzea.

• Eskola-ingurunean gatazkak konpontzeko bitartekotza egitea.

•Administrazio-prozesuetan berdintasun, gardentasun eta legezkotasun-printzipioak bermatzeko lan egitea.