Lanbide Heziketatik unibetsitaterako 264 konexio eskainita, pasabideen euskal programa sendotu egin da unibertsitateko kredituak aitortzeari esker.

Lanbide Heziketa eta Unibertsitatearen arteko konexio edo pasabideen programa gero eta zabalagoa da.
Unibertsitate-ikasketetara sartzeko konexioen bidez, goi-mailako heziketa-ziklo bat egin duten ikasleei unibertsitate-kreditu kopuru jakin bat aitortzen zaie. Kreditu kopuru hori, hautatutako unibertsitate-graduak eta egindako Lanbide Heziketako zikloak duten antzekotasunaren arabera aitortzen da. Aitorpen hori 3 kreditutik 66ra bitartekoa izan daiteke.
Osagarritasun horri esker, pertsona bakoitzak bere lehentasunen arabera diseina dezake prestakuntza-ibilbidea.
Gaur egun, Lanbide Heziketako goi-mailako 75 ziklok unibertsitateko 59 gradutarako pasabideak eskaintzen dituzte. Aukerak 264 konexioko kopururaino iristen dira unibertsitate-kredituen aitortzari esker. Izan ere Lanbide Heziketako goi-mailako ziklo askok unibertsitate-gradu baterako baino gehiagorako pasabidea eskaintzen baitute.
Adibidez, Automatizazioko eta Robotika Industrialeko goi-mailako zikloak 12 unibertsitate-gradutarako pasabideak ditu, hala nola Ingeniaritza Elektrikoko Gradura (UPV/EHUn), Ingeniaritza Elektroniko Industrial eta Automatikoko Gradura (Deustu eta UPV/EHUn) edo Ingeniaritza Mekatronikoko Gradurako (Mondragon Unibertsitatean), besteak beste.